Podcast: Download (Duration: 7:02 — 8.8MB)
Ika-17 Linggo sa Karaniwang Panahon (A)
1 Hari 3, 5. 7-12
Salmo 118, 57 at 72. 76-77. 127-128. 129-130.
Iniibig ko nang lubos
tanang utos mo, Poong D’yos.
Roma 8, 28-30
Mateo 13, 44-46
Subscribe to Awit at Papuri Communications YouTube Channel
Seventeenth Sunday in Ordinary Time (Green)
World Day of Grandparents and the Elderly
Fil-Mission Sunday
UNANG PAGBASA
1 Hari 3, 5. 7-12
Pagbasa mula sa unang aklat ng mga Hari
Noong mga araw na iyon, ang Panginoo’y napakita kay Solomon sa panaginip. “Ano ang ibig mong ibigay ko sa iyo? Sabihin mo!” wika sa kanya. Sumagot si Solomon, “Panginoon, aking Diyos, ginawa mo akong hari bilang kahalili ng aking amang si David, bagaman ako’y bata pa’t walang karanasan. Pinapamuno mo ako sa iyong bayan, sa bayang ito na hindi na mabilang sa dami. Bigyan mo ako ng isang pusong maunawain at marunong kumilala ng masama at magaling. Sapagkat sino ang maaaring maghari sa bayan mong ito na napakalaki?” Ikinalugod ng Panginoon ang hiling ni Solomon. Kaya’t sinabi sa kanya: “Yamang hindi ka humiling para sa iyong sarili ng mahabang buhay, o kayamanan, o kamatayan ng iyong mga kaaway, kundi ang hiniling mo’y pagkaunawa at katalinuhang humatol, ipinagkakaloob ko sa iyo ang hiniling mo. Binibigyan kita ng karunungan na walang kapantay, maging sa mga nauna, maging sa mga susunod pa sa iyo.”
Ang Salita ng Diyos.
SALMONG TUGUNAN
Salmo 118, 57 at 72. 76-77. 127-128. 129-130.
Iniibig ko nang lubos
tanang utos mo, Poong D’yos.
Ikaw lamang, Panginoon, ang lahat sa aking buhay,
kaya ako’y nangangakong susundin ang kautusan.
Higit pa sa ginto’t pilak nitong buong sanlibutan,
ang mabuting idudulot ng bigay mong kautusan.
Iniibig ko nang lubos
tanang utos mo, Poong D’yos.
Aliwin mo sana ako niyang pag-ibig mong lubos,
katulad ng binitiwang pangako sa iyong lingkod.
Sa akin ay mahabag ka, at ako ay mabubuhay,
ang lubos kong kasiyaha’y nasa iyong kautusan.
Iniibig ko nang lubos
tanang utos mo, Poong D’yos.
Mahigit pa kaysa ginto, pag-ibig ko sa ‘yong aral,
mahigit pa kaysa gintong binuli at dinalisay.
Kaya iyang tuntunin mo ang siya kong sinusunod,
pagkat ako’y namumuhi sa anumang gawang buktot.
Iniibig ko nang lubos
tanang utos mo, Poong D’yos.
Lubos akong humahanga sa bigay mong mga turo,
iya’y aking iingata’t susundin nang buong puso,
ang liwanag ng turo mo’y nagsisilbing isang tanglaw,
nagbibigay dunong ito sa wala pang karanasan.
Iniibig ko nang lubos
tanang utos mo, Poong D’yos.
IKALAWANG PAGBASA
Roma 8, 28-30
Pagbasa mula sa sulat ni Apostol San Pablo
sa mga taga-Roma
Mga kapatid:
Alam nating sa lahat ng bagay, ang Diyos ay gumagawang kasama ang mga nagmamahal sa kanya, ang mga tinawag ayon sa kanyang panukala, sa kanilang ikabubuti. Sapagkat sa mula’t mula pa’y alam na ng Diyos kung sino ang sa kanya; ang mga ito’y itinalaga niyang maging tulad ng kanyang Anak, at sa gayon, naging panganay natin siya. At ang mga itinalaga niya noong una pa ay kanyang tinawag. Ang mga tinawag niya ay kanya ring pinawalang-sala, at ang kanyang mga pinawalang-sala ay kanya namang binigyan ng karangalan.
Ang Salita ng Diyos.
ALELUYA
Mateo 11, 25
Aleluya! Aleluya!
Papuri sa Diyos Ama
pagkat ipinahayag n’ya
Hari s’ya ng mga aba.
Aleluya! Aleluya!
MABUTING BALITA
Mateo 13, 44-52
Ang Mabuting Balita ng Panginoon ayon kay San Mateo
Noong panahong iyon, sinabi ni Hesus sa mga tao: “Ang paghahari ng Diyos ay katulad ng kayamanang nakabaon sa isang bukid. Nahukay ito ng isang tao at tinabunan uli. Sa laking tuwa, siya’y humayo at ipinagbili ang lahat ng ari-arian niya at binili ang bukid na iyon.
Gayun din naman, ang paghahari ng Diyos ay katulad nito: may isang mangangalakal na naghahanap ng mamahaling perlas. Nang makakita ng isang perlas na napakahalaga, siya’y humayo at ipinagbili ang lahat ng kanyang ari-arian at binili iyon.
“Ang paghahari ng Diyos ay katulad din ng isang malaking lambat na inihagis sa dagat at nakahuli ng sari-saring isda. Nang mapuno ay hinila ito sa pampang. At naupo ang mga tao upang pagbukud-bukirin ang mga isda: tinipon nila sa mga sisidlan ang mabubuti, ngunit itinapon ang mga walang kuwenta. Gayun din ang mangyayari sa katapusan ng daigdig. Darating ang mga anghel at ihihiwalay ang mga makasalanan sa mga banal, at ihahagis ang mga makasalanan sa maningas na pugon. Doo’y mananangis sila at magngangalit ang kanilang ngipin.
“Nauunawaan na ba ninyo ang lahat ng ito?” tanong ni Hesus. “Opo,” sagot nila. At sinabi niya sa kanila, “Kaya nga, ang bawat eskriba na kumikilala sa paghahari ng Diyos ay tulad ng isang puno ng sambahayan na kumukuha ng mga bagay na bago at luma sa kanyang taguan.”
Ang Mabuting Balita ng Panginoon.
o kaya:
Mateo 13, 44-46
Ang Mabuting Balita ng Panginoon ayon kay San Mateo
Noong panahong iyon, sinabi ni Hesus sa mga tao: “Ang paghahari ng Diyos ay katulad ng kayamanang nakabaon sa isang bukid. Nahukay ito ng isang tao at tinabunan uli. Sa laking tuwa, siya’y humayo at ipinagbili ang lahat ng ari-arian niya at binili ang bukid na iyon. “Gayun din naman, ang paghahari ng Diyos ay katulad nito: may isang mangangalakal na naghahanap ng mamahaling perlas. Nang makakita ng isang perlas na napakahalaga, siya’y humayo at ipinagbili ang lahat ng kanyang ari-arian at binili iyon.”
Ang Mabuting Balita ng Panginoon.
Pages: 1 2
« Sabado, Hulyo 25, 2026
Lunes, Hulyo 27, 2026 »
{ 23 comments… read them below or add one }
Pagninilay: Matapos ikinuwento ni Hesus ang mga talinghaga tungkol sa Magsasaka, ang mga Damo sa Triguhan, ang Butil ng Mastasa, at ang Lebadura, muli siyang nagkwento ng tatlo pang talinghaga: ang kayamanang nakabaon sa bukid, ang perlas na may mahahalagang presyo, at ang lambat. Ginagamit ni Hesus ang mga talinghaga dito bilang paglalarawan sa Kaharian ng Diyos. Sinasabi natin na naririto sa ating piling ang Paghahari ng Diyos dahil sa Mabuting Balita hatid ni Hesukristo. At ang Mabuting Balitang isinasabuhay natin nang may pagmamahal, kapayapaan, at katarungan ay isang batayan upang masabing naroroon ang Paghahari ng Diyos. Habang naririto ang Paghahari niya sa atin, ang kaganapan nito ay dapat nating panabikan sa darating na oras ng kaluwalhatian. Kaya ang Kaharian ng Diyos ay isang mahalagang bagay na dapat nating inaasam sa ating buhay. Katulad nito ang isang kayamanang nakabaon sa bukid, kung saan ibinenta ng lalaki ang lahat ng kanyang ari-arian upang ipagbilhin ito. Katulad rin nito ang isang perlas nang may mahahalagang presyo, na ibinenta ng isang mangangalakal ang lahat ng ari-arian upang mapasakanya ang mahalagang perlas na iyan. At katulad rin ang Paghahari ng Diyos sa isang lambat sapagkat sa huling araw ay darating ang Anak ng Tao upang ipagpasya niya ang paghuhukom batay sa ating gawain dito sa daigdig.
Kaya makikita natin sa tatlong talinghaga ang dapat nating hangarin araw-araw, at iyan ay ang Panginoon. Alam natin na mayroon tayong mga kayamanan at mga iba’t ibang mapagkukunan at ari-arian na kailangan nating upang mamuhay pa nang habambuhay sa lupang ito. At hindi naman tinututol ni Hesus ang pagkakaroon nito, lalo na ng pera. Ngunit ang nais lang niya ipunto sa atin na sa bawat paggamit natin ng mga yamang tinatanggap natin, mas kilalanin natin ang bukal ng bawat biyaya, yaman, at ari-ariang mayroon tayo: ang Panginoon. Tularan natin si Haring Solomon sa Unang Pagbasa na sa kabila ng kanyang kapangyarihan at impluwensiya bilang Hari ng Israel, idinalangin niya na magkaroon siya ng karunungan upang mas kilalanin pa niya ang Diyos at ang mga espirituwal na bagay.
Kailangan ko muna hanapin ang kaharian ng Diyos! At ang lahat ng kailangan ko sa buhay na ito ay ipagkakaloob ng Panginoon!
Inaanyayahan ako ng mga talinhaga na alamin ang pinaka mahalaga, makita ang kalooban ng
Diyos! Ipagpalit ang lahat ng mga pinahahalagahan ko sa buhay pati mga ari-arian, makamtan lang kalooban ng Diyos!
Ama Naming Dios Akoy Nananalig At Isinusuko Ko Ang Lahat Sa Akin Sa Ngalan Ni Hesukristo…Amen!
Meron mga bagay na makakapagpasaya sa atin. Subalit walang hanggang kaligayahan ang dulot ng kaharian ng Diyos kapag ito ang ating nakamtan. Kaya’t dito sana nakatuon ang ating pansin habgang tayo ay nabubuhay. Salamat Panginoon sa bitaya ng pagkilala sa ito. Amen
Mapalad tayo mga kapatid Sapananampalataya ni Hesus Kristo, kung saan Ibinabahagi sa atin ang Kahalagahan na siya lamang ang ating Pupurihin at Sasambahin habang narito pa tayo sa mundo. SALAMAT PO PANGINOON ??
Sa maikling pagbasa sa ebanghelyo ni Sa Mateo may dalawang talinghaga na ipingangaral si Hesus sa mga tao na paghahambing sa paghahari ng Diyos. Una ay, Mat. 13:44 “Natatagong kayaman sa bukid; ng nasumpungan ng isang tao, at inilihim; at sa kaniyang kagalaka’y yumaong at ipinagbili ang lahat tinatangkilik, at binili ang bukid na yaon”.
Ikalawa, Mat. 13:45-46 “Ganon din naman, ang kaharian ng langit ay katulad ng isang taong nangangalakal na humahanap ng magandang perlas, ay yumaong siya at ipinagbili ang lahat nyang tinatangkilik, at binili yaon”. Sa ating mga buhay ang dalawang talinghagang ay parehas ang pakakahulugan ito ay pagkatagpo ng dalawang lalaki ng isang buhay kay Kristo-Hesus bilang hari at Diyos ng kanilang buhay at ang mga naging desisyon na talikdan ang lahat ng kanilang mga tinatangkilik sa buhay masundan at magpasakop sa ninanais ng Diyos sa kanilang mga buhay. Ang pag-desisyon na bitawan at pagtalikod sa lahat tulad ng yaman, ari-arian, karangyaan, katanyagan, kapangyarihan at iba pang bagay na nagpapasaya sa atin ay isang sobrang hirap na pagpapasya lalo na kung ang mga ito ay pinaghirapan naman ay hindi madali. Pero kung ang pagdedesisyon na ito ay itinaas mo sa Diyos katulad ng ginawa ni Haring Solomon na sa kabila ng kanyang pagiging hari ay hiniling nya sa Diyos ang kapakanan ng Kanyang nasasakupan na itinuturi nyang tunay nyang buhay at kayamanan. Wala siyang hiningi sa Diyos na pansariling kapakanan at ikinalugod ng Diyos at ito ay ipinagkaloob sa kanya. Gayon din naman sa mga taong may kakayahan at may kapangyarihan dapat hilingin din nila at gamitin ang mga ito sa ikaluluwalhati ng Diyos. Katulad ni Haring Solomon dapat na umiral sa mga mayayaman at may kapangyarihan na hindi sila mapasailalim sa dikta ng mga kasamaan na magdadala sa kanila sa nagbabagang apoy sa impiyerno sa kabilang buhay. At nawa’y magamit nila ang rangya, at kapangyarihan ng buhay sa pamamagitan ng pagbabahaginan, kapayapaan, katanungan, upang maangkin ng lahat ang kaharian ng Diyos na ninanais ni Hesus sa lahat. Amen!
Sa mga talinghagang ito, ating napagtanto ang dalawang mahahalagang aspeto ng ating buhay bilang mga alagad ni Hesus.
Una, ang kaharian ng Diyos ay isang kayamanang dapat nating hanapin at pahalagahan nang higit sa anumang bagay sa mundong ito. Ito ay ang pagmamahal, pag-unawa, at kapatawaran ng Diyos na patuloy na bumubukas ng mga pintuan ng pag-asa sa ating mga buhay.
Pangalawa, ang pagiging tapat sa Diyos ay isang mahalagang perlas na dapat nating alamin at pangalagaan. Ito ang nagbibigay sa atin ng tunay na kagalakan, kapayapaan, at kabuluhan sa ating paglalakbay.
Sa ating mga buhay, maaaring maranasan natin ang mga pagsubok at hamon. Ngunit ang Salita ng Diyos ay patuloy na nagbibigay sa atin ng liwanag sa gitna ng kadiliman. Sa bawat paghahanap at pag-alaala ng kaharian ng Diyos, naghahanda tayo sa pag-akyat sa mas mataas na antas ng pananampalataya at pagtitiwala sa Diyos.
HANGGANG SAAN ANG KAYA MONG IBIGAY?
Tatlong talinhaga ang itinuturo sa atin ni Hesus sa linggong ito kung saan inihahalintulad ang kaharian ng Diyos. Ang kayamanang nakabaon sa bukid, ang perlas na may mahalagang presyo, at ang lambat.
Ang unang dalawang talinhaga ay nagbibigay sa atin ng halos magkatulad na punto. Marami sa atin ang nananatili sa kani-kanyang COMFORT ZONE. Nahihirapan tayong umusad, sumulong, at magpatuloy dahil ayaw nating bumangon mula sa mga bagay na ating nakasanayan. Kuntento na tayo sa kalagayan natin, kuntento na tayo sa sitwasyon natin, kuntento na tayo sa kung anong mayroon tayo. Subalit paano kung kuhanin sa atin ang lahat ng mayroon tayo, kapalit ng mas magandang hinaharap?
Marami sa atin ang SENTIMENTAL na tao. Makikita nating sa ebanghelyo, ipinagbili nila ang kanilang mga ari-arian para lamang mabili nila ang bukid kung saan may nakabaon na kayamanan, at ang perlas na may mahalagang presyo. Binitiwan nila ang maraming mahalagang ari-arian, maaring ito ay ang bahay na kanilang kinalakihan o mga gamit na bigay pa ng kanilang mga magulang. Natuto silang lumabas mula sa kanilang mga comfort zone at bumitiw sa mga bagay na mahalaga sa kanila para sa ISANG NAPAKAHALAGANG BAGAY – ANG KAHARIAN NG DIYOS.
Inaanyayahan tayong bumitiw sa mga bagay na nagbibigay sa atin ng COMFORT kung ito naman ay nagdudulot sa atin ng KASALANAN. Maraming bagay ang ating nakasanayan subalit kailangang bitiwan para sa progreso ng tunay na pagbabago. Matuto nawa tayong tumalikod sa kasalanan at sumunod sa mga utos ng Diyos. Ang pagtalikod sa kasalanan, at pagyakap sa kaharian ng Diyos.
NAATTACHED tayo sa maraming bagay na inaalok sa atin ng mundo, matuto nawa tayong MAGDETACHED upang makita natin ang higit na mahalaga, na tayo’y makabilang sa mabubuting isda na nahuli ng lambat ng Diyos at tipunin tayo sa pinakamimithi natin sa bawat pagdarasal ng Ama Namin, MAPASAAMIN ANG KAHARIAN MO!
(Pagninilay sa ika-17 Linggo sa Karaniwang Panahon | Taon A – Mateo 13, 44-52)
Sa pakakatong ito ay makikita natin kay Haring Solomon ang mapagmahal sa nasasakupan, naniniwala siya na hindi niya makakaya ng kanyang sarili ang pamumuno dahil sa kanyang pananampalataya sa Panginoo ay matutupad niya ang tunay na pagsasaayos ng kanyang nasasakupan at nakitaan natin ng pag papakimbaba ang isang Hari na tulad ni Solomon. At mararamdaman natin ang Panginoon, ang kanyang pagmamahal sa tao, gumagamit sya ng tagalaglingkod ng da gayun ay huwag tayongawalay sa kanya. Sa kasalukuyan ay madarama natin ang mga namumuno sa ating Bayan, kanaliktaran ni Haring Solomon. Alam naman natin lahat kung gaanong kalaganap ang kasamaan sa mga namumuno ngayon. Kaya’t sa ikalawang pagbasa ay alam ng Diyos kung sino ang sa Kanya. Kaya’y sa pagkakatong ito ay binukod niya ang mabuti at masa MN a. The promise of Romans 8:28 that God works for our good “in all things” is reassuring. It means that no matter the circumstance, there are only two qualifiers for God to be working all things together for our good. First, He works for “the good of those who love Him.” The truth of Romans 8:28 reminds us that although sin and Satan are powerful, God is more powerful He is able to redeem and restore anything for our good and his glory. All things may not be good, but God can and will use all things for good.
For Gospel today:
The Parable of the Hidden Treasure is a well known parable of Jesus, which appears in Matthew 13:44, and illustrates the great value of the Kingdom of Heaven. It immediately precedes the parable of the Pearl, which has a similar theme. The parable has been depicted by artists such as Rembrandt. The kingdom of heaven is like treasure hidden in a field: The field is the world, but the man does not represent the believer, because we have nothing to buy this treasure with. Instead, Jesus is the man who gave all that He had to buy the field.
Precisely, Jesus is the buyer by his atoning blood …
Pànginoon Hesus, likhaìn nàwa ninyò sa amin ang ìsàn? pusong maunawain at karunungan na kumilala ng masàmà at magaling.
Pànginoon Hesus, likhaìn nàwa ninyò sa amin ang ìsàng pusong maunawain at karunungan na kumilala ng masàmà at magaling.
alam nating all good things comes from God.
all what is on earth is of God.
heaven and earth is creation of God.
air that we breath comes from Him.
lahat ng kinakain natin mula sa Kanya.
trabaho natin mula sa Kanya sapagkat all what is on heaven and earth ay Kanya.
wala tayong pagmamay-ari.
ngunit kung ano ang meron sa atin ay inaari natin.
kaya nga nalugod ang Diyos kay Solomon sapagkat of all leaders of the world si Solomon ang kumilala sa Diyos na pati ang kanyang panunungkulan ay mula sa Diyos.
kaya humingi sita ng wisdom to rule His people.
tulad ng perlas, ng kayaman, na pinanahahalagan natin ng higit pa sa buhay natin.
nakaligtaan natin kung sino ang tunay na nagmamay-ari nito.
na siya dapat ang ariin natin natin higit pa sa buhay mo, kayamanan mo na pinahahalagahan mo.
sino kung ganon?
walang iba kundi si JESUS.
THE HOLY TRINITY.
SILA ANG ATING KAYAMANAN.
kaya sa isip, salita,sa gawa natin sa araw araw SIYA ang inuuna natin.
then naisasabuhay natin ang paghahari ng Diyos na sa araw araw nating buhay lagi natin Siyang kasama.
may awareness tayo that God is with us, within us waiting na gawin natin Siyang laging UNA sa ating buhay.
kung ganon nga, every word we speak, every tongue we confess, every work we do, NAKIKITA SI JESUS.
WE CALL IT HOLINESS
AND WITHOUT HOLINESS NO ONE WILL SEE GOD..
ako po ay ulilang lubos
nagisnan kong ang mga magulang ko ay ang mga grandparents ko.
nag-asawa ako na wala na ang mga dinatnan kong magulang.
hindi ko nakalimutan.
dahil i have only God na ipinakilala sa akin ng mga magulang ko by our daily angelus na kinalakihan ko sa kanila.
i ask God, sabi ko, …
Lord wala akong alam sa pagpapalaki ng mga anak, how to raise them,
give me wisdom and knowledge to raise these children na ipinagkatiwala mo sa amin.
truly God is God of graces.
He pours all the graces that i needed kaya naman lumaki ang apat kung mga anak na kilala ang ating Diyos.
naranasan ang mga himala ng Diyos.
namumuhay sila na kasama ang Diyos
TO GOD BE ALL THE HIGHEST GLORY
AMEN..
Ang patuloy na pagbibigay ng talinghaga sa atin ay nagbibigay ng direksiyon sa atin upang matuntun natin Ang Tama landas patungo sa kaharian ng Diyos .kaya’t dito maihahantulad Ang paghahari ng Diyos sa isang kayamanan at isang Perlas na natagpuan pero Anu ginawa ipinabili Ang buong kayaman para bilhin Ang kayamanan natagpuan at ibinaon at sa Perlas. Dahil Ang hinahahap dito ay Anu kaya mong gawin para ipagpalit para lng sa kayaman at Perla . Dahil Ang kaharian ng Diyos ay Hindi lang gawa ng Diyos meron din dapat gagawin Ang tao na itutumbas sa Gawa ng Diyos.
PAGNINILAY:
Mateo 6:19–21
“Huwag kayong mag-impok ng kayamanan dito sa lupa… Sapagkat kung saan naroroon ang iyong kayamanan, naroon din ang iyong puso.”
Ang kwento sa Ebanghelyo ay tungkol sa mga “Talinghagang ng Nakatagong Yaman at ng Mamahaling Perlas. Hindi ipinagbabawal ni Hesus ang pagkakaroon ng kayamanan. Ang Kanyang binabalaan ay ang pagiging alipin ng Mammon.
Ang salitang Mammon ay hindi lamang tumutukoy sa salapi o ari-arian. Ito ay sumasagisag sa anumang kayamanang inaasahan ng tao nang higit kaysa sa Diyos—salapi, kapangyarihan, katayuan, kasikatan, o anumang bagay na inaakalang nagbibigay ng tunay na seguridad. Kapag ang puso ay kumapit sa Mammon, unti-unti nitong inaagaw ang lugar na nararapat lamang sa Diyos.
Ito ang naging suliranin ng mayamang binata (Mateo 19:16–24). Masigasig siyang tumutupad sa mga utos at naghahangad ng buhay na walang hanggan. Ngunit nang anyayahan siya ni Hesus na ipamigay ang kanyang kayamanan at sumunod sa Kanya, siya ay nalungkot at umalis. Sapagkat ang binata ay may pagaari at sobrang yaman at hindi niya kaya itong bitawan.
Ito ang tunay na panganib ng Mammon: hindi lamang ito bagay na hawak natin, kundi maaari tayong hawakan nito. Kapag ang ating pagkatao, kapanatagan, at pag-asa ay nakasalalay sa materyal na bagay, ang puso ay hindi na malayang sumunod kay Kristo.
Kaya sinabi ni Hesus: “Kung saan naroroon ang iyong kayamanan, naroon din ang iyong puso.” Ang tanong ay hindi gaano karami ang ating pag-aari, kundi sino ang tunay na nagmamay-ari ng ating puso.
Sa pananaw ng Simbahan, ang mga materyal na biyaya ay kaloob ng Diyos upang gamitin nang may pananagutan at para sa kabutihan ng kapwa. Ang mga ito ay hindi dapat maging sentro ng ating buhay. Ang tunay na kayamanan ay ang pakikipag-isa kay Kristo, sapagkat ang lahat ng kayamanan sa lupa ay lilipas, ngunit ang kayamanang naipon sa langit ay mananatili magpakailanman.
Puso ng Ebanghelyo:
Ang tunay na alagad ni Kristo ay hindi sinusukat sa dami ng kanyang tinataglay, kundi sa kalayaang isuko ang lahat alang-alang sa Diyos.
Itinuturo ng Katekismo ng Simbahang Katolika na ang kasakiman at labis na pagkagiliw sa kayamanan ay maaaring maging anyo ng pagsamba sa diyus-diyosan. Kapag ang salapi o anumang makamundong bagay ang naging sentro ng ating pagtitiwala at seguridad, nalalayo ang ating puso sa Diyos. Tinatawag tayong gamitin ang ating mga biyaya bilang mabubuting katiwala at maging bukas-palad sa kapwa.
Pagsasabuhay:
Magsagawa tayo ng tapat na pagsusuri sa ating puso.
-Ano ang pinakamahirap nating bitawan?
-Ano ang nagbibigay sa atin ng seguridad bukod sa Diyos?
-Sanayin nating maging mapagbigay, simple ang pamumuhay, at unahin ang Diyos sa bawat desisyon.
Kapag ang Diyos ang ating kayamanan, wala tayong mawawala na hindi Niya kayang palitan ng higit na mabuti.
Hamon ng Ebanghelyo:
Ano ang “Mammon” sa aking buhay na humahadlang upang lubos akong makasunod kay Kristo? Handa ba akong isuko ito upang ang Diyos lamang ang maghari sa aking puso?
Word of the Day: “MAMMON”
Anumang kayamanan o bagay na inaagaw ang lugar ng Diyos sa ating puso at nagiging pinagmumulan ng ating seguridad, pagkakakilanlan, at pagtitiwala.
Panalangin:
Panginoong Hesus, ilayo Mo po ang aking puso sa pagkaalipin sa Mammon. Turuan Mo akong hanapin ang kayamanang hindi nasisira at Ikaw lamang ang maging aking tunay na yaman. Amen.
To God be the highest glory now and forever. Amen.
Pansamantala lamang ang lahat sa mundo; hindi mapipigilan ang kamatayan at maiiwan ang lahat ng ating yaman. Dahil ang Diyos lamang ang walang hanggan, inaanyayahan tayong gawin Siyang pinakadakilang kayamanan ng ating buhay. Kapag inuna natin ang Diyos, hindi Niya inaagaw ang ating pagmamahal sa pamilya, bagkus ay lalo pa Niya itong pinatitibay at pinayayabong. Kaya tanungin natin ang ating sarili: Ang Diyos nga ba ang ating pinakamahalagang kayamanan? Handa ba tayong iwanan ang lahat para sa Kanya? Amen.
Panalangin: Panginoon, turuan Mo kaming kilalanin ang tunay na kayamanan ng Iyong paghahari. Bigyan Mo kami ng lakas na magsakripisyo at ng karunungan na maghiwalay ng mabuti at masama. Gabayan Mo ang aming mga puso upang maging eskriba na nagdadala ng bago at luma para sa kapurihan Mo. Amen.
Thank You so much and Praise to You, Father God and Lord Jesus Christ Hallelujah! Hallelujah!!! We love You! Amen.
Sa gospel reading, si Jesus ang nag-iisang bumili sa pamamagitan ng pag-aalay ng kanyang buhay (kanyang ari-arian) upang ang ang bukid (kumakatawan sa bansang Israel o mga Hudyo) at ang perlas (kumakatawan sa mga Hentil o iba’t ibang bansa) ay maging kanya, sapagkat lubos niyang pinahalagahan ang kaligtasan ng sanlibutan.
Ang kayamanan na nakabaon ay sumasagisag sa Israel (ang bayan ng Dios) na pinili noong una, kung saan matagal nang naroroon ang pangako at tipan ng Kaharian.
Ipinagbili ni Jesus ang lahat (ang kanyang kaluwalhatian sa langit at buhay sa krus) upang ang bukid na ito ay mapasakanya at matubos ang kanyang bayan.
Ang perlas ay nabubuo sa ilalim ng dagat (simbolo ng mundong makasalanan o labas sa Israel), na natagpuan ng mangangalakal at itinuring na napakahalaga.
Sumisimbolo ito sa mga Hentil (tulad natin na hindi hudyo) na hinanap at pinahalagahan din ni Jesus; ibinuhos niya ang kanyang dugo upang sila ay maging bahagi ng kanyang kayamanan.
Ang pag-iwan sa lahat ng “ari-arian” ay ang pagkamatay ni Jesus sa krus—walang itinira kundi ang buong sarili upang mabili tayo.
Pinag-isa ni Jesus ang nanalig na mga Hudyo/Israel at Hentil (Iglesia) sa pamamagitan ng pagtubos , na nagpapakitang ang pag-ibig ng Dios ay para sa lahat.
Kumusta naman tayo? May parte ba tayo sa pagliligtas ni Jesus maliban sa pananampalataya na siya lahat ang gumawa ?
Sa unang pagbasa, ipinahayag dito na hindi inuna ni haring Solomon ang kanyang sariling kapakanan na yumaman at di mapatay ng mga kalaban kundi inuna ang kapakanan ng kanyang bayan. Si Solomon ay anino ni Jesus na inuna na iligtas ang buong sangkatauhan imbes na iligtas ang sariling buhay.
“Panginoon, aking Diyos, ginawa mo akong hari bilang kahalili ng aking amang si David, bagaman ako’y bata pa’t walang karanasan. Pinapamuno mo ako sa iyong bayan, sa bayang ito na hindi na mabilang sa dami. Bigyan mo ako ng isang pusong maunawain at marunong kumilala ng masama at magaling. Sapagkat sino ang maaaring maghari sa bayan mong ito na napakalaki?”
Kumusta naman tayo? Inuuna ba natin ang kapakanan ng ating bansa na lugmok ngayon sa korapsiyon dahil inuuna natin ang kapakanan ng ating sari-sariling pamilya?
Sa Salmo, ipinahayag ni haring David kung gaano niya pinahalagahan ang salita ng Dios/kautusan bilang mas higit pa kaysa pagkamal ng ginto at pilak. Si David ay anino ni Jesus na inuna muna ang kalooban ng Dios o kautusan Niya na ialay ang kanyang buhay para sa kaligtasan ng sanlibutan .
“Ikaw lamang, Panginoon, ang lahat sa aking buhay,
kaya ako’y nangangakong susundin ang kautusan.
Higit pa sa ginto’t pilak nitong buong sanlibutan,
ang mabuting idudulot ng bigay mong kautusan.
Aliwin mo sana ako niyang pag-ibig mong lubos,
katulad ng binitiwang pangako sa iyong lingkod.
Sa akin ay mahabag ka, at ako ay mabubuhay,
ang lubos kong kasiyaha’y nasa iyong kautusan.
Mahigit pa kaysa ginto, pag-ibig ko sa ‘yong aral,
mahigit pa kaysa gintong binuli at dinalisay.
Kaya iyang tuntunin mo ang siya kong sinusunod,
pagkat ako’y namumuhi sa anumang gawang buktot.
Lubos akong humahanga sa bigay mong mga turo,
iya’y aking iingata’t susundin nang buong puso,
ang liwanag ng turo mo’y nagsisilbing isang tanglaw,
nagbibigay dunong ito sa wala pang karanasan.”
Kumusta naman tayo? May panahon ba tayo na mag-aral o makinig ng salita ng Dios sa biblia para masunod ito o lagi ba tayong abala sa paghahanap ng pera ?
Sa ikalawang pagbasa, ipinahayag ni apostol Pablo na ang tinawag (pinili) at itinalaga na karapat dapat sa kanya bago ang paglikha ay ang Iglesia na binubuo ng nanampalataya sa paalala ni Jesus. Si Jesus na binubuo ng ulo niya at katawan (Iglesia) ay ang karapat dapat lamang na pinili at itinalaga na Kanya na naligtas bago ang paglikha (Efeso 1:4).
“Alam nating sa lahat ng bagay, ang Diyos ay gumagawang kasama ang mga nagmamahal sa kanya, ang mga tinawag ayon sa kanyang panukala, sa kanilang ikabubuti. Sapagkat sa mula’t mula pa’y alam na ng Diyos kung sino ang sa kanya; ang mga ito’y itinalaga niyang maging tulad ng kanyang Anak, at sa gayon, naging panganay natin siya. At ang mga itinalaga niya noong una pa ay kanyang tinawag. Ang mga tinawag niya ay kanya ring pinawalang-sala, at ang kanyang mga pinawalang-sala ay kanya namang binigyan ng karangalan.”
Kumusta naman tayo? Napabilang ba tayo sa pinili at itinalaga ng Dios na kanyang ililigtas bago ang paglikha? Kabilang na tayo sa Iglesia (of katawan ni Jesus) na binubuo ng mga nanalig sa paskal ni Jesus?
PINUPURI KA NAMIN PANGINOON JESUS KRISTO ALLELUIA ALLELUIA!